ຈາກົວ ແລນໂຣເວີ ລາວ ຕົວແທນຈຳຫນ່າຍລົດ ຈາກົວ ແລະ ແລນໂຣເວີ ຢ່າງເປັນທາງການແຕ່ພຽງຜູ້ດຽວໃນ ສ.ປ.ປ. ລາວ ໄດ້ເປີດໂຕ The New RANGE ROVER SPORT ຮູບໂສມໃຫມ່ ລຸ້ນປີ 2023 ຢ່າງຍິ່ງໃຫ່ຍໃນຄໍ່າຄືນຂອງວັນທີ 17 ພະຈິກ 2022 ທີ່ຜ່ານມາ ໂດຍມີແຂກກິດຕິມະສັກຈາກຫຼາຍພາກສ່ວນເຂົ້າຮ່ວມງານຢ່າງຄຶກຄື້ນ.


ໃຫ້ກຽດກ່າວເປີດງານຢ່າງເປັນທາງການໂດຍທ່ານ Wayne McIntosh, ກຳມະການຜູ້ຈັດການດ້ານລົດຍົນ ແລະ ທ່ານ Biju Narayanan, ຜູ້ອຳນວຍການ ຈາກົວ ແລນໂຣເວີ ລາວ.


The New RANGE ROVER SPORT ນິຍາມໃຫມ່ຂອງຄວາມຫຼູຫຼາແບບສະປອດ, ເປັນລຸ້ນທີ 3 ຂອງ RANGE ROVER SPORT ທີ່ໄດ້ຮັບຄວາມສົນໃຈ ແລະ ເປັນທີ່ຕ້ອງການຫຼາຍທີ່ສຸດໃນຕອນນີ້, ການອອກແບບທີ່ລໍ້າສະໄຫມ, ມີຄວາມສະດວກສະບາຍໃນການເຊື່ອມຕໍ່ກັບເທັກໂນໂລຢີໃນປັດຈຸບັນ.


ມີຄວາມສາມາດໃນການຂັບຂີ່ໄດ້ຢ່າງຄ່ອງໂຕ, ມາພ້ອມກັບໜ້າຈໍສຳພັດ Pivi Pro ຂະໜາດກວ້າງເຖິງ 13.1 ນິ້ວ. ທີ່ສຳຄັນຍັງມີລະບົບ Active Noise Cancellation ທີ່ຊ່ວຍຕັດສຽງລົບກວນຈາກພາຍນອກ ເພື່ອໃຫ້ທ່ານເພີດເພີນໄປກັບການຂັບຂີ່. ນອກນັ້ນ, The New RANGE ROVER SPORT ຍັງມາພ້ອມກັບ Cabin Air Purification Pro ທີ່ນໍາໃຊ້ເຕັກໂນໂລຢີ Nanoe X ໃນການຊ່ວຍປົກປ້ອງທ່ານຈາກຝຸ່ນ PM 2.5, ແບັດທີເຣຍ ແລະ ລວມໄປເຖິງໄວຣັສ Covid-19.


ເຊິ່ງການເປີດໂຕໃນຄັ້ງນີ້ ແມ່ນປະສົບຜົນສໍາເລັດ ແລະ ໄດ້ຮັບສຽງຕອບຮັບທີ່ດີຈາກບັນດາແຂກທີ່ເຂົ້າຮ່ວມຈຳນວນຫຼາຍ ພ້ອມທັງໃຫ້ຄວາມສົນໃຈຈອງທົດລອງຂັບ ເພື່ອສຳຜັດກັບ The New Range Rover Sport ຮູບໂສມໃໝ່


ສຳລັບບັນດາທ່ານທີ່ສົນໃຈ The New Range Rover Sport ສາມາດເຂົ້າມາສຳຜັດລົດຕົວຈິງ ແລະ ຈອງທົດລອງຂັບໄດ້ແລ້ວມື້ນີ້ ທີ່ຫ້ອງຂາຍ ຈາກົວ ແລນໂຣເວີ ລາວ.
ສະຖານທີ່ຕັ້ງຢູ່: ຖະໜົນກຳແພງເມືອງ, ບ້ານ ໂພນທັນ, ເມືອງ ໄຊເຊດຖາ, ນະຄອນຫຼວງວຽງຈັນ.
ສອບຖາມຂໍ້ມູນເພີ່ມເຕີມໂທ: +85620 58888197.
Facebook: https://www.facebook.com/LandRoverLaos
ສຶກສາຂໍ້ມູນລົດເພີ່ມເຕີມໄດ້ທີ່:
https://www.landroverlaos.com/vehicles/new-range-rover-sport/overview